Dwarna
L-għan ta’ dan is-sit portali huwa li jipprovdi sors ċentrali ta’ informazzjoni dwar scams li jaffettwaw il-pubbliku f’Malta. L-għan ewlieni huwa sabiex titqajjem kuxjenza, jiżdied l-għarfien dwar il-mod kif jaħdmu dawn l-iscams, kif ukoll biex jgħinu individwi u organizzazzjonijiet jagħrfu, jevitaw, u jirrapurtaw operazzjonijiet frawdolenti.
Għall-fini ta’ dan is-sit portali, scams tirreferi għal skemi frawdolenti u prattiċi qarrieqa li huma ddisinjati sabiex jiżgwidaw individwi u organizzazzjonijiet fejn iwassluhom biex jagħtu dettalji personali u finanzjarji, jitrasferixxu l-flus, u jagħtu aċċess mhux awtorizzat għall-kontijiet.
Dan is-sit portali jiġbor fih twissijiet aġġornati dwar scams, gwida prattika u riżorsi edukattivi f’post wieħed. Dan għandu wkoll l-għan li jassisti lill-utenti biex jieħdu deċiżjonijiet infurmati u miżuri preventivi, filwaqt li jiggwida lill-istess utenti kif għandhom jirrispondu b’mod xieraq meta jiltaqgħu ma’ xi scam.
Dan is-sit portali jiggwida wkoll lill-utenti lejn il-kanali ta’ irrapurtar korretti, sabiex jassisti l-individwu jindirizza l-każ tiegħu lill-awtorità kompetenti hekk kif xieraq.
L-Awtorità għas-Servizzi Finanzjarji ta' Malta (MFSA) hija responsabbli għas-superviżjoni tas-servizzi finanzjarji f'Malta u għandha rwol ewlieni fil-promozzjoni tal-protezzjoni tal-konsumatur u l-integrità tas-suq.
F'dan il-portal, l-MFSA:
Il-portal jirrifletti wkoll kontribuzzjonijiet minn awtoritajiet sieħba, inklużi l-infurzar tal-liġi u l-korpi tal-protezzjoni tal-konsumatur. Dawn l-awtoritajiet jipprovdu għarfien espert, aġġornamenti, u gwida fiż-żoni ta' responsabbiltà rispettivi tagħhom.
Kull awtorità tibqa' responsabbli għall-ġestjoni ta' rapporti, investigazzjonijiet, u azzjonijiet ta' infurzar fil-mandat legali tagħha.
L-informazzjoni pprovduta f’dan is-sit portali hija ntenzjonata għal gwida ġenerali u skopijiet t’għarfien biss.
Dan is-sit portali, bl-ebda mod ma jippretendi li jipprovdi pariri dwar l-investiment. L-utenti li jixtiequ jiksbu parir dwar l-investiment, huma mħeġġa sabiex jagħmlu kuntatt ma’ entitajiet li huma awtorizzati mill-MFSA biex jipprovdu dawn is-servizzi. Lista ta’ dawn l-entitajiet tinsab fir-Reġistru tas-Servizzi Finanzjarji tal-MFSA.
L-inklużjoni ta’ ħoloq (links) għal siti portali esterni jew għal pjattaformi ta’ irrapurtar, hija provduta biss għall-konvenjenza. Dan is-sit m’għandux kontroll fuq u lanqas huwa responsabbli għall-kontenut, id-disponibilità, u s-sigurtà ta’ sistemi esterni.
Dan is-sit portali ma jinvestigax jew isolvi każi individwali, u lanqas jipproċessa rapporti dwar scams. Kwalunkwe rapport għandu jiġi sottomess direttament lill-awtorità kompetenti relevanti.
