Scams magħrufa bħala ‘pig-butchering’

Dan il-każ seħħ fl-2023. Il-vittma, li se nsejħulha Maria, li qatt ma kienet investiet qabel fil-kriptoassi, attendiet programm ta’ taħriġ onlajn dwar transazzjonijiet u investimenti. Dan il-kors sar ma’ kumpanija frawdolenti li saħansitra ħarġet ċertifikat li jikkonferma li Maria temmet l-kors b’suċċess u b’riżultat eċċellenti. Din kienet parti minn skema biex iħajjruha u jinkoraġġuha tibda tinvesti magħhom.

Wara li temmet dan it-taħriġ, Maria ġiet allokata trader bl-isem ta’ Elena. Hi kienet temmen li qegħda tinvesti fil-bitcoin taħt il-gwida ta’ Elena, fejn din tal-aħħar kienet qed tiggwidaha dwar kif tagħmel investimenti fil-kriptoassi b’wegħdiet ta’ qligħ sostanzjali.

Biex tibda tagħmel dawn it-transazzjonijiet, Maria l-ewwel bagħtet il-flus mill-kont bankarju lokali tagħha lejn kont f’isimha ma’ bank diġitali magħruf, u kont ieħor ma’ pjattaforma diġitali ta’ pagamenti li tiffoka fuq il-kriptoassi. Taħt id-direzzjoni u l-istruzzjonijiet tal-frodist, il-flus ġew ikkonvertiti f’Bitcoin u mbagħad trasferiti lejn indirizz ta’ kartiera li kienet ipprovditilha Elena.

F’perjodu ta’ ġimgħa, hija għamlet madwar seba’ pagamenti b’ammonti sostanzjali, b’uħud minnhom jaqbżu sew l-€2,000. Xi pagamenti qabżu l-limiti tal-kont tagħha mal-bank, u għalhekk Maria ċemplet diversi drabi lill-bank tagħha biex jgħollulha temporanjament il-limitu tal-pagamenti sabiex it-trasferimenti jkunu jistgħu jsiru.

L-iskop tal-pagamenti li Maria kienet qed tagħmel matul dan il-perjodu kien biex twettaq transazzjonijiet relatati mal-kriptoassi. Madankollu, dan ma ġiex żvelat waqt il-konverżazzjonijiet li hija kellha mar-rappreżentanti tal-bank, fejn Maria llimitat ruħha biex tgħid li dawn kienu sempliċiment top-ups għal kontijiet oħra tagħha u ma spjegatx il-verità dwar dawn it-transazzjonijiet.

Maria kienet tikkomunika mal-frodist permezz tal-app Messenger. Sakemm hi ndunat li dan kollu kien scam, kienet diġà tilfet qrib it-€30,000.

Sinjali ta’ twissija li għandek iżżomm f’moħħok:

• Taħrig u ħruġ ta’ ċertifikati rigward xi kors onlajn fuq investimenti minn entita jew istituzzjoni mhux rikonnoxuta.
• Il-persuna jew kumpannija li offriet pariri u gwida fuq l-investiment ma kienux illiċenzjati.
• Kommunikazzjonijiet fuq investimenti ma’ persuna li l-konsumatur qatt ma ltaqa’ magħha fiżikament, jew wiċċ imb’wiċċ u lanqas fl-uffiċċju ta’ kumpanija regolata.
• Indikazzjoni ta’ qligħ sostanzjali f’qasir żmien.

Dikjarazzjoni: Dan il-kontenut huwa bbażat fuq każ reali investigat mill-awtoritajiet. Filwaqt li l-avvenimenti u ċ-ċifri deskritti huma fattwali, l-ismijiet inbidlu biex tiġi protetta l-privatezza tal-individwi involuti.

Joseph safà vittma ta’ scam wara li beda jikkomunika ma’ persuna li ma kienx jaf u li ltaqa magħha minn fuq Facebook. Din il-persuna bdiet turi ċertu interess fih u eventwalment ipperswadietu jibda jinvesti fil-kriptoassi taħt il-gwida u l-pariri tagħha. Dan il-każ seħħ matul is-sena 2022 u 2023. This person started showing a certain interest in him and eventually persuaded him to start investing in crypto-assets under her guidance. This case occurred during the years 2022 and 2023. This case occurred during the years 2022 and 2023.

Il-persuna li Joseph kien jikkomunika magħha ma kinitx liċenzjata biex tipprovdi pariri ta’ investiment u lanqas ma kienet tirrapreżenta xi provditur liċenzjat minn awtorità regolatorja tas-servizzi finanzjarji.

L-interess u l-fiduċja ta’ Joseph ġew akkwistati mill-frodista permezz ta’ diversi messaġġi u komunikazzjonijiet li huwa kien jirċievi b’mod regolari fuq apps tal-messaġġi.

Joseph spiċċa jagħmel diversi pagamenti mill-kont bankarju tiegħu għal provditur tal-kriptoassi liċenzjat lokali fejn il-flus tiegħu ġew konvertiti fi kriptoassi. Il-kriptoassi sussegwentament ġew trasferiti minnu, taħt il-gwida tal-frodist/a, lejn kartieri esterni (jiġifieri kontijiet tal-kriptoassi esterni) fejn mingħalih li dawn kienu ser jiġu nvestiti f’xi kontijiet tiegħu ta’ investiment fil-kriptoassi. Dawn il-pagamenti u komunikazzjonijiet saru fuq perjodu twil ta’ madwar seba’ xhur fejn il-frodista kienet dejjem tiggwidah pass pass x’għandu jagħmel sa mil-ewwel pass biex jiftaħ il-kont fi kriptoassi, kif wkoll il-pagamenti u transazzjonijiet sussegwenti.

Joseph kien qed jittrasferixxi dawn il-flus biex mingħalih jigu nvestiti fi kriptoassi, iżda l-frodista li ħajritu u li kienet qed tigwidah biex jinvesti flusu fil-kriptoassi spiċċat serqitlu l-pagamenti kollha.

Huwa ġie imqarraq li qiegħed jaqla’ ħafna flus min dawn it-transazzjonijiet hekk kif wrewhj il-frodisti minn fuq il-pjattaforma tagħhom, u li iżda kien kollox fittizju.

Biex jieħu flusu lura u l-profitti sostanzjali li qalulu li kien għamel u li iżda kienu fittizji, Joseph ġie l-ewwel mitlub jagħmel diversi pagamenti u ħlasijiet oħra qabel, per eżempju, pagament sostanzjali biex jiġi sblukkat kont tiegħu li qalulu li ġie iffrizat. Dawn it-talbiet kienu biss tentattivi biex il-frodisti jippruvaw jieħdu iżjed flus mingħandu.

Joseph kien tant konvint mir-relazzjoni fittizja tant li saħansitra siefer barra min Malta biex jiltaqa’ mal-ħabiba li mingħalih kellu li taparsi kienet qed tiggwidah jinvesti u jagħmel qligħ fil-kriptoassi.

Wara diversi skużi ġie bblokkat mill-kuntatti kollha li kellu u rrealizza li din kienet scam fejn spiċċa tilef il-fuq minn €65,000.

Sinjali ta’ twissija li għandek iżżomm f’moħħok:

• Kuntatt magħmul minn fuq midja soċjali .
• Il-persuna li offriet pariri u gwida fuq l-investiment ma kienitx illiċenzjata.
• L-ebda laqgħa fizikament jew wiċċ imb’wiċċ, u lanqas f’xi uffiċini mal-persuna li qeda toffri l-pariri fuq l-investiment.
• Il-konsumatur mħeġġeġ jinvesti malajr għax ser jitlef opportunita li jagħmel qligħ.
• Talbiet jew inkorraġġament b’mod regolari u frekwenti biex jiġu nvestiti iżjed flus.
• Indikazzjoni ta’ qligħ sostanzjali f’qasir zmien.
• Urġenza u rikjesti għal diversi pagamenti qabel ma jinagħta aċċess jew biex jinġibdu l-flus.

Dikjarazzjoni: Dan il-kontenut huwa bbażat fuq każ reali investigat mill-awtoritajiet. Filwaqt li l-avvenimenti u ċ-ċifri deskritti huma fattwali, l-ismijiet inbidlu biex tiġi protetta l-privatezza tal-individwi involuti.